|
| 大發現呀大發現呀! 噚日晚上食飯,到飲湯的時候,嘉怡竟然.........祈禱喎. 事關佢係讀天主敎既幼稚園,食飯前都要祈禱. 但係我哋成家都唔係信天主敎喎........咁點好呢?
| | |
| 9/6係4週年結緍記念日,呢個日子其實係咪好重要呢? 我哋每年都會慶祝,但係每年都例牌唔記得咗. 今次都係,寫寫吓記事書冊,苗到個格寫住結緍記念日,係喎,9/6喎,係真係今日喎,哈哈. 本來想去尖沙咀食日本野,但係嗰間舖成鬼日都full booking. 改地點,去我哋都好鐘意既阿拉廚房食. 呢問野平時都唔會點黎,但又真係好好食喎,我覺得仲好食過金滿庭個啲出名上海舖呀. 同時佢咁近,就係青衣城,真係食完話咁快可以近到屋企呀.
| | |
| 好差好差既校車公司,好唔開心. 邊有理由2個字既車程要9個字去完成架,都係一條天橋啫? 大人坐完咁耐車都辛苦啦,況且要咁細個小朋友去坐,返到學校都呆咗啦. 老媽子又唔想帶佢返學校喎. 如果我可以就到時間帶到佢就好啦. 真係諗咗好多辦法都行唔通. 又無第二間校車公司喎. 都有諗過揾啲的士包月,但係又唔知去邊度揾. 貨van接送都好吖,我帶佢返去. 不過每程都要$40,一個月咪成千,仲未計校車個一邊. 如果$500都會考慮吓吖. 唉,嘉怡你真係可憐呀.
| | |
| 今日係開學的第一天,終於都放完暑假啦. 今日的任務就係要同妳一齊返學. 一早就起身,仲要同返工一樣咁早準備,真係有啲過份. 妳第一日的學校生活,就係用"無所適從"o黎形容妳啦.  
| | |
|
